بەڕێز حەكیم جەخت لەسەر كارگێڕی هەمەجۆر لە كۆمەڵگا ئیسلامییەكان دەكات و داوادەكات كاری تازە لەسەر پتەوكردنی یەكڕیزی بكرێت
لەڕۆژی چوارشەممە بەرواری 2023-2-8 بەڕێز عەمار حەكیم سەرۆكی ڕەوتی حیكمەی نیشتمانی چاوی كەوت بە شاندێك كە لە زانایانی ئاینی و كەسانی ئەكادیمی لە چەندین مەزهەب و پێكهاتەكانی جیاوازی عێراق پێكهابتوون، لەم دیدارە سەماحەتی حەكیم گوتی خوێندنەوەی مێژوویی بۆ عێراق دەریدەخات كە عێراق سەنگێكی مێژوویی و ئیسلامی گەورەی هەیە كە وایكردەوە ببێتە وێستگەیەگی هەموو موسڵمانانی جیهان.
سەماحەتی داوای كرد كە ڕێگا و ئامرازی تازە بۆ كۆكردنەوەی هەموو مسوڵمانان بە هەموو پێكهاتەكان بهێتە كایەوە، هەروەها گرنگی یەكێتی مسوڵمانانی دووپات كردەوە تا موسڵمانەكان ببنە سەنگ و بنكەیەكی گەورەی جیهان بەحوكمی تاقی كردنەوە و ئەزموونیان لە دەوڵەمەنددكردنی شارستانێتی مرۆڤایەتی و بە حوكمی ئەوەش كە وڵاتانە خاوەن خێرو بێرو سامانێكی زۆرن.
سەماحەتی داواشی كرد هەمیشە ڕێگای تایفە بەرنەدەن و بە سەرچاوەیەكی هزری و فیكری بۆ دەوڵەمەندكردنی كۆمەڵگای ئیسلامی هەژمار بكەن، جەختیشی كردەوە لەسەر ئەوەی شتە هاوبەشكان بپارێزن بۆ ئەوەی ببێتە دەروازە و خاڵێكی دەرپەڕین بۆ یەكگرتنی ئیسلامی و هەروەها پاراستنی تایبەتمەندییەكان و ڕێزگرتنیان و ناردنی پەیامی ئاشتی و بەیەكەوەژیان.
لەكۆتاییدا سەماحەتی حەكیم پەیڕەوی كردنی گارگێڕی هەمەجۆری دووپات كردەوە و ڕوونی كردەوە كە تایفییەت لە عێراق سیاسییە كۆمەڵگەیی نییە، چەند لایەنێكی سیاسی بۆ بەرژەوەندی تایبەت بەكاری دەهێنن، بەڵام عێراقییەكان زوو توانیان ئەو حاڵتە كۆنترۆڵ بكەن و گەڕانەوە سەر بەیەكەوە ژیان و یەكگرتنیان، ئاماژەشی كرد كە ئەو ناكۆكییانەی هەبوو هەڵە تێگەیشتن بوو، بەهۆی بۆچوونی هەڵەی هەردوو لایەن بەرامبەر یەكتری، هەروەها گرنگی ئاڵوگۆركردنی سەردانەكانی بەگرنگ وەسف كرد بۆ ئەوەی لەنزیكەوە لە ڕاستی وڵاتەكان بگەن.
