سەماحەتی حەكیم گرنگی پتەوكردنی خاڵە هاوبەشەكانی عێراقی و پاراستنی فرەی رۆشەنبیری دووپات دەكاتەوە
لە سەنتەری رۆشەنبیری گۆران لە پارێزگاری سلێمانی، بەڕێز عەمار حەكیم سەرۆكی هاوپەیمانێتی هێزەكانی دەوڵەتی نیشتمانی گرنگی پتەكردنی هاوبەشییەكانی نێوان پێكهاتەكانی گەلی عیراقی دووپات كردەوە و جەختی لەسەر پاراستنی فرەیی رۆشنبیری وڵات كردەوە.
لەم بارەیەوە لە گوتەیەكی لەبەردەم ئامادەبووان، سەماحەتی حەكیم گوتی پێویستە بە جوانی ئیدارە لەگەڵ فرەیی و هەمەچەشنی عێراق بكرێت و بەڕیوەبردنی دەبێت ئەكتیڤ بێت، تا كاریگەری ئەوان بقۆزینەوە، دووپاتیشی كردەوە كە ئەو فرەیی دەبێت ببێتە پردێك كە عێراق بە ناوچەكە و هەموو جیهان ببەستێتەوە، لەبەر ئەوەی ئەو فرەییە سەرچاوەی دەوڵەمەندی گەلی عێراقە بەهایەكی دیكەشی لەڕووی رۆشەنبیری و مرۆیی پێ دەبەخشێت.
هەروهها سەماحەتی باسی هەڵوێستە گەورەكانی كرد كە بووە هۆكاری دروستبوونی ئەو پەیوەندییەی نێوان هەردوو گەلی عەرەبی و كوردی لەوانە هەڵوێستی باپیرمان موحسن حەكیم كە شەڕی كوردی حەرام كرد یان هەڵوێستی شێخ مەحموودی حەفید كاتێك شان بەشانی خەڵكی خواروو شەڕی بەریتانییەكانی كرد.
لەكۆتاییدا سەماحەتی حەكیم جەختی كردەوە كە پێویستە ئەو كەلتوورەی ئەو سەركردە مەزنانە بە پارێزراوی لە بیرۆكەی نەتەوەكەمتن بمێنێتەوە و بەردەوام بێت لە پتەوكردنی یەكێنی نیشتمانی و هاوكاری لە نێوان سەرجەم پێكهاتەكانی گەلی عێراقی.
