سەماحەتی حەكیم چاوی بە كۆمەڵێك توێژەر و ئەكادیمی كورد دەكەوێت و جەخت لە یەكبوونی گەلی عێراقی كرد
بەڕێز عەمار حەكیم سەرۆكی ڕەوتی حیكمەی نیشتمانی چاوی كەوت بە كۆمەڵێك كەسایەتی و توێژەرەوەی كورد كەوت كە چەند كەسێكی ئەكادیمی و سەرۆكی سەنتەرەكتنی توێژینەوەی لەخۆوە گرتبوو، سەرەتا ستایشی ڕۆڵی ئەوانی كرد لە چارەسەركردنی كێشەكانی كۆمەڵگا و ئابووری و سیاسی و بەرپرسیارێتی بەردەوام بوون و دەستپێشخەری لنێوان دۆسێیە جیاوازەكانی خستە ئەستۆی ئەوان.
سەماحەتی دووپاتی لەسەر یەكبوون و یەكێتی گەلی كردەوە و گوتی عیراقییەكان نەتەوەیەكی فرەن و هەمەچەشنن، ئەوەش پێویستی بە ئیدارەدانی ئەو هەمە چەشنییە هەیە، بۆ ئەوەی بقۆسترێتەوە و ئەو پێكهاتە ببێتە پردێك بۆ پەیوەندی گەلەكانی ناوچەكە و جیهانیش بەشێوەیەك كە خزمەتی بەرژەوەندییەكانی وڵات بكات، هەروەها پێویستە كاری ئەرێنی و گەشبینی بڵاوبكرێتەوە و دەستكەوتەكانیش بە خەڵك بناسرێن، هەروەها ڕوونی كردەوە كە دەبێت خراپی و تاوانەكانی ڕژێمی سەدامی و مەینەتییەكانی گەلی عێراقی بە كوشتن و داپڵۆسین و دەستبەسەرداگرتنی ئازادییەكان بە هەمووان ڕابگەیەنرێت.
سەماحەتی دووپاتی كردەوە كە گرنگە گفتوگۆ لەنێوان بەغدا و هەولێر بەردەوام بێت، لەبەر ئەوەی دیدار و گفتوگۆكردن لەژێر سایەی دەستوور و یاساكان هۆكارێكە بۆ ئەوەی كێشە هەڵپەسێردراوەكان چارەسەر بكرێت، هەروەها گەشبینی خۆی دەربڕی بۆ بەردەوام بوون لە پڕۆژەی تەوتین كردنی مووچەی مووچەخۆرانی هەرێمی كوردستان تا هاوشێوەی فەرمانبەرانی دیكەی دەوڵەتی عێراقی بێت.
